انواع شاشات الموبايل وايهما افضل ؟!

التاريخ : 8 May، 2016

عدد المشاهدات : 32776

انواع شاشات الموبايل هو سؤال يدور فى رأس الكثير منكم سواء كنت مهتم بالتقنية او لديك معلومات تقنية حتى ولو قليلة ، وليس هذا السؤال فقط ولكن ايضا واى من هذه الشاشات هو الافضل ، وفى هذا الموضوع ان شاء الله سوف نحاول معكم التعرف ببساطة و عن قرب عن تاريخ شاشات الموبايل وانواع شاشات الموبايل وسوف نحاول معكم معرفة اى من هذه الشاشات هو الافضل من حيث الرؤية والوضوح ، ومن حيث انخفاض استهلاك البطارية وكذلك من ناحية عدم ارهاق العين ووضوح الالوان والبيكسلات لكل نوع من انواع شاشات الموبايل ، موضوع انواع الشاشات وشرحه موضوع معقد قليلا ، ولكننا سوف نحاول قدر الامكان ان نعمل على تبسيط المعلومة التى سوف نقدمها لكم ، لكى نخرج فى نهاية الموضوع قادرين على الاقل فى التفرقة بين شاشات الموبايل وايهما افضل بالنسبة لك ، وايهما تشترى وايهما مناسب فى الفئة السعرية للهاتف .

انواع شاشات الموبايل

معلومات كثيرة ان شاء الله سوف نتعرف عليها ونلقى الضؤ عليها ، ونتمنى ان تنال اعجابكم مع محررين و فريق عمل بوابة الموبايلات ، ونبدأ فى الدخول كالتالى فى هذا الموضوع .

شاشات الـ LCD وهذه الكلمة هى اختصار لجملة Liquid Crystal Display والتى تعنى باللغة العربية شاشات الكريستال السائلة ” برضه مش فاهم حاجة ” اصبر واحدة واحدة هتفهم ، هى عبارة عن مادة مصنوعة من الكريستال السائل وخلف هذه المادة توجد طبقة من الاضاءة ، ومن اهم مزايا شاشات الـ LCD انها تعمل على تضويح الصورة بشكل كبير نتيجة وجود طبقة من الاضاءة الخلفية كما ذكرنا بالاعلى ، حتى لو فى اشعة شمس عمودية على الشاشة فتستطيع رؤية محتويات الشاشة جيد نسبيا ، ولكن من اهم الاسباب التى جعلت الشركات تقوم بصناعة شاشات الهواتف من هذه المادة هو رخص هذه المادة فى التصنيع ، لكن على الرغم من ان شاشات Liquid Crystal Display كانت فى وقتها لا غنى عنها الان انها كانت لها عيوب واللى كان منها ، انها كانت تستهلك طاقة كبيرة من بطارية الموبايل ، كمان الالوان مش عالية الدقة كما سيظهر فى الاجيال القادمة و التى تم تطويرها منش شاشات الـ LCD .

شاشات الـ TFT وهذه الكلمة او الحروف اختصار لجملة Thin Film Transistor والتى تعنى باللغة العربية طبقة الترانزستور الرقيقة وهى نوع افضل او عبارة عن تحسين للعيوب التى ظهرت فى شاشات الـ LCD وتستطيع القول ان هذه الشاشات هى الجيل الثانى من شاشات الـ LCD لانها سوف تعمل على تلافى بعض العبو فيها وانتاج مزايا اكثر من الجيل الاول ، ومن اهم مزايا شاشات الـ TFT هى درجة تباين الالوان فى هذه الشاشة اعلى واوضح ، كمان تكلفة انتاج شاشات TFT اصبح ارخص من تكلفة شاشات LCD وبالتالى فان شركات انتاج الهواتف الذكية و الاجهزة اللوحية سوف تتجه الى صناعة او استخدام هذه الشاشات فى الهواتف و الاجهزة التقنية بشكل عام ، ولكن رغم هذه المزايا ، الان انها كانت لها عيوب قوبة فى وقتها وهى قلة وضوح الشاشة ، وزوايا الرؤية فى الشاشة كانت غير جيدة ، وكمان كانت بتستهلك طاقة وبالتالى بتأثر على عمر البطارية ، وطبعا ده أدى الى التفكير فى الجيل التالى من الشاشات .

شاشات الـ IPS LCD وهى اختصار لجملة In Plane Switching والشاشات دى موجدة حالياي بكثرة فى انواع كثيرة جدا من الموبايلات اللى بنستخدمها فى حياتنا اليومية واللى بتنتجها الشركات فى الاوقات السابقة وحتى الوقت الحالى ايضا يعنى هنلاقيها فى شاشات موبايلات من سامسونج وهواوى وال جى حتى انفينكس وغيرها من الشركات الصينية الجديدة ، واهم ما يميز شاشات الـ IPS انها حلت مشكلة وضوح الرؤيا من مختلف الزوايا فى الموبايلات ، وخلى فى وضوح اكبر وتباين فى الالوان لانك بتشعر ان الالوان طبيعية بنفس درجتها الحقيقة تقريبا ومش بتميل الى الوان تانية ، وكمان قللت استهلاك الطاقة وبالتالى توفير فى استهلاك البطارية ، لكن على الرغم من كل اللى فات ده فشاشات الـ IPS لها عيوب وهى من اهمها انها اغلى فى التكلفة ، وده هيخلى الشركات اكيد تفكر فى انتاج نوع افضل من الشاشات .

شاشات الـ Super LCD وهى عبارة عن جيل جديد من اجيال شاشات الـ LCD والشركات حاولت فيها انها تتغلب على مشاكل وعيوب كتير من اللى كانت بتواجهم فى الاجيال السابقة من شاشات الـ ال سى دى ومنها ان زوايا الرؤية بقت اوضح بشكل اكبر ، كمان حساسية اللمس فى الشاشات دى اعلى ، ومن اهم الحاجات انها افضل من كل السابق من حيث تباين الالوان وبالتالى اللى بيخلى رؤية الالوان بشكل كامل ومن غير بهتان وكمان وضوح اعلى ، ولكن مازال عيب ارتفاع سعر التكلفة فى انتاج هذه الشاشات من اكبر عيوبها ، وكمان طبعا الشركات مش هتسكت وحاولت تطوير الشاشات دى ودعمتها باجيال تانية زى Super LCD 2 و Super LCD 3 ، ومازال التطوير مستمر فى شاشات الـ LCD من اجيال الى اخرى .

شاشات الـ OLED وهذا الكلمة اختصار لمصطلح organic light-emitting diode وهو معنى صعب الفهم صراحة ، ولكن ما يهمنا ليس معنى الكلمة على قدر ما يهمنا مزايا هذه الشاشة و ما قدمته ، ومن اهم مزايا الشاشات دى انها مضيئة بذاتها يعنى مفيش فراغ بين الشاشة و التاتش وبالتالى ده اعطى ميزة قوية لهذا النوع من الشاشات على شاشات الـ LCD المختلفة ، ومن اهم مزايا هذه الشاشة ايضا، هو العمل على تقليل الطاقة المستخدمة ، كمان اعطاء رؤية وضوح اعلى من مختلف الزوايا تقريبا تصل الى 160 درجة تقريبا ، كما ان هذه الشاشات اخف فى الوزن واكثر متانة ، ولكن من اهم عيوبها ان زوايا الرؤية سيئة فى درجات الاضاءة العالية ، وبالمناسبة شاشات الـ OLED لها نوعين وهنتعرف عليهم باختصار كالتالى .

PMOLED وهو النوع الاول من شاشات الـ OLED وهذه الكملة اختصار لجملة Passive Matrix Organic Light Emitting Diode ” طبعا احنا زى ما قولنا ملناش دعوة بالاسماء دى ” وهى غير منتشرة بشكل كبير حاليا وكانت لها عيوب كثيرة منها دقو وضوح قليلة جدا ، تتلف من التعرض لضوء الشمس وغيرها .

AMOLED وده النوع التانى من شاشات الـ OLED وهو النوع اللى منتشر بكثيرة فى كثير من الاجهزة اللوحية و الهواتف الذكية المرتفعة السعر ، والكملة دى اختصار لمصطلح Active Matrix Organic Light Emitting Diode ” وزى ما قلت مش يهمنا الاسماء على قدر ما يهمنا هى بتقدم مزايا ايه ، خلينا فى المزايا ” واللى من اهمها تباين عالى جدا فى الالوان وبالتالى وضوح اكثر ، كمان الالوان بتاعت الشاشة دى بتبقى قوية وحقيقية ، يمكن استخدامها فى صناعة شاشات باحجام كبيرة ، تتسم هذه الشاشات بنحافة السمك وخفة الحجم او الوزن ، كمان بتعطى زوايا رؤية اعلى ، تعمل على توفير استهلاك بطارية الموبايل ، لكن مازال بها عيوب وخاصة فى الاجيال الاولى من هذه الشاشات و هى ارتفاع تكلفة انتاجها وكمان سطوع الشاشة ليس بالجيد ، والعيوب دى جعلت الشركات تعمل لتحسين هذه الشاشة وتم انتاج اصدارات كتير من الشاشة الاموليد مثل super AMOLED و الـ Super AMOLED Plus و Super AMOLED HD و Super AMOLED FHD و Super AMOLED QHD ودى افضل الشاشات التى يتم انتاجها و استخدامها حاليا مع الهواتف الذكية فى الفئات السعرية الاعلى مثل فئة الجلاكسى نوت وغيرها .