ايهما افضل تابلت لينوفو ام سامسونج ؟!

ان عاوز اشترى تابلت وفى ناس بقتولى اشترى طبعا تابلت سامسونج ونا تانية بتقولى تابلت لينوفو كويس ، ايه الافضل تابلت لينوفو و لا تابلت سامسونج يا جماعة ، ايهما افضل لينوفو ولا سامسونج لو حابب اشترى تابلت ياريت حد يفيدنى ، واسئلة تانية كتيرة قوى بتدور فى اذهان كتير منكم من الناس اللى بتفكر تشترى تابلت جديد وبتحاول توصل لحل لهذه المعضلة وهى اى تابلت هو الافضل بالنسبة لها وبالنسبة للمبلغ المالى اللى معاها ، وطبعا لان كل واحد بيحاول يسأل ، وكل واحد بيجاوب بيحاول يجاوب بناء عن تجربته الشخصية مع اى من الماركتين دول ” سامسونج – لينوفو ” فى اى فئة من فئات ، فهتلاقى ناس تقول طبعا تابلت سامسونج هى الاحسن عشان الغالى تمنه فيه وهتلاقى صيانة وقطع غيار الخ … ، وناس تانية هتقول لا ده عن تجربة انا جربت سامسونج وكان فى مشاكل كتير وبيهنج بسرعة وكام مش بعرف انزل عليه كل التطبيقات و الالعاب اللى انا عاوزها عشان الذاكرة صغيرة ، وعلى الجانب الاخر هنلاقى حد تانى بيقول انا جربت تابلت لينوفو وصراحة كان تابلت كويس بسعر مناسب ومكانش فيه اى مشاكل قابلتنى فيه ، وحد تانى هيقول انا التابلت بتاعى باظ ومكنتش عارف اصلحة عشان مش لاقى صيانة لينوفو الخ ….

ايهما افضل تابلت لينوفو ام سامسونج

كل دى اسئلة ومشاكل بتواجه الكثير منكم لما بيحاول يبحث عن شراء تابلت او جهاز لوحى جديد او حتى هاتف ذكى ، وبطبيعة الحال لان كلنا مختلفين عن بعض فبالتالى سوف تجد ردود مختلفة من الجميع ، لانه من الطبيعى جدا ان مش كل شخص اشترى نفس التابلت فمن الممكن ان تجد شخص اشترى تابلت من فئة 900 جنيه واخر اشترى تابلت من فئة 4000 جنيه وبالتالى المشاكل والمميزات هنا سوف تختلف ، فلا يجوز ان تاخد راى من اشترى تابلت بـ 4000 جنيه وانت هتشترى تابلت بـ 1000 جنيه لان الرأى لن يكون مناسب للفئة السرعية اللى انت هتشترى فيها وذلك لان كل فئة سعرية سوف تختلف المواصفات التقنية فيها بالتاكيد .

خلاصة القول او ما احب ذكره هنا فى هذا الموضوع انه لا يجوز ان تاخذ رأى اخر غير الشخص الذى اشترى نفس التابلت الذى تود انت شرائه ، ومن المستحسن ان تأخذ باكثر من رأى لاشخاص اشتروا نفس التابلت الذى تريد شرائه ، لانه حتى قد تواجه شخص ما مشكلة او عيب لا يوجد الا فى نسبة واحد فى الالف او واحد فى المليون ، وهذا كثيرا ما يحدث للبعض ، لذلك حاول دائما ان تكون ارائك نابعة من تجربة حقيقة وليست مجرد اراء بعيدة عن الذى تريده .

هذه كانت مجرد مقدمة طويلة لابد منها للدخول فى الموضوع وهو ايهما افضل تابلت لينوفو ام سامسونج ؟ ، والاجابة هى انه يوجد الكثير من الاجهزة اللوحية التى تنتجها هاتان الشركاتان والموجودة للبيع سواء فى الاسواق المصرية او بعض الاسواق العربية ، وبالتالى فى البداية عليك ان تقوم بتحديد المواصفات التقنية التى تريدها فى الجهاز اللوحى ، يعنى مش ينفع تكون عاوز كاميره جيدة جدا بتوصل مثلا لـ 8 ميجابيكسل وتقول انا معايا الف جنيه بس ، لانك مستحيل تلاقى تابلت بالسعر ده وفيه ميزة الكاميرا العالية الدقة بالشكل ده ، وبالتالى لازم تدرك اك سوف تجد كاميرا بدقة 2 او 3 ميجابيكسل فى الفئة السعرية 1000 جنيه وليست بدقة 8 او حتى 5 ميجابيكسل .

بعدما قمت بتحديد المواصفات التقنية اللى انت محتاجها بالفعل ، لازم تحدد السعر يعنى مثلا تقول انا محتاج التابلت يكون فى حدود من 1000 الى 1500 جنيه مثلا ، وبعد ذلك تبدأ بالبحث والتنقيب على كل الاجهزة اللوحية التى تقدمها هاتين الشركتين لينوفو و سامسونج فى هذه الفئة السعرية وتدقق فى الاختيار وتشاهد كل الاجهزة اللوحية الموجودة فى السوق من هذه الشركات ، ثم تقارن بين المواصفات للاجهزة المتقاربة فى السعر لكى تعرف من الافضل .

بعد ان يتسقر رأيك على عدد محدود من هذه الاجهزة عليك ان تبدأ بالبحث عنهم واحد تلو الاخر بالاسم من حيث تجارب الاخرين عن هذا التابلت وهل هو مناسب ام لا ، وما المشاكل التى واجهت الاشخاص الذين قاموا بشراء هذا التابلت ، وهل يوجد صيانة و اكسسوارات الى اخره من هذه الاسئلة ، وهكذا على باقى اسماء الاجهزة اللوحية التى وقع عليها اختيارك من كلا الشركتين ، ثم بعد ذلك تبدأ فى تدوين الملاحظات سواء مميزات و عيوب كل تابلت وتقارنها مع سعره و احتياجاتك فى هذا التابلت ، وفى النهاية تبدأ فى الاختيار بما يناسب احتياجاتك الشخصية ، حيث انه من الممكن ان يشتكى شخص ما اشترى التابلت من جودة الكاميرا فى حين انك لا تهمك الكاميرا بقدر ما يهمك الالعاب او جودة الشاشة او الحجم او ما الى ذلك .

تستطيع من هنا مشاهدة كل الاجهزة اللوحية التى تقدمها سامسونج ====>> تابلت سامسونج

تستطيع من هنا مشاهدة كل الاجهزة اللوحية التى تقدمها لينوفو ====>> تابلت لينوفو

ايضا تستطيع المقارنة بين اى من اجهزة سامسون ولينوفو المختلفة من هنا ====>> المقارنة بين الاجهزة اللوحية

شاهدوا ايضا هذه المواضيع

• افضل تابلت للاطفال فى 2016
• نصائح مهمة جدا قبل شراء تابلت للطفل

حول الكاتب

فريق الموقع

جميع كتاباتة